初到日本大阪貴境, 眼見四周既樹葉岩岩先開始由綠黃色轉成紅葉...
由於落機時間0係日本早上7點幾 (香港時間6點幾),
所以我地先由關西機場坐 JR (1030yen) 去天王寺 轉阪急近鐵 去酒店 (東三國) Hotel Wing,
放低左行李比酒店 keep 住之後, 我地就開始第一日既行程出發去 "日清杯麵博物館"
池田站一出問左兩個途人先知道點樣行去"日清杯麵博物館",
途中就巧遇 " 一風堂 池田店"
我地分別點左 "博多つけ麺", "温玉のせごはん" 同 "博多ひとくち餃子"
" 博多つけ麺" - 其實似港式拌麵, 麵質並唔係拉麵來, 伴住豚肉濃湯品嚐!! 豚肉嫩而不漏, 一D 油膩感都無, 反而有入口即溶既感覺!! 之前都覺得HK一風堂好好味, 食過日本店之後, 就覺得HK 店都食唔番呢個味道!! 因為真係太好味啦... 唔信既朋友, 可以去日本旅行時一試啊!!❤❤❤
"温玉のせごはん" - 豚肉好入味, 日本米既黏性同彈性, 加上溫泉蛋拌勻, 完全發揮到日本米既香甜!! 最緊要只係360yen (即係HKD36蚊) 真係又平又好食!!ㄟ(￣▽￣ㄟ)
"博多ひとくち餃子" - HK店做到最近似既味覺, 皮薄而料多, 煎得皮脆肉嫩!! 如果想食既朋友, 呢個款式可以0係HK 店食到日本店既水準啊!!
沒有留言:
張貼留言