京阪神の旅 - 商務式平價酒店

網上面寫 Hotel Wing 離地下鉄東三国站徙步行約2分鐘, 其實我覺得要10分鐘步行速度。
不過鄰近有 和民, mister donut, KFC。
以及24小時營業既麥當努, Lawson, 7-11, Mini Shop 同 吉野家。
可以免卻左夜晚行夜左返酒店都唔會搵唔到野食既煩惱!!
(/≧▽≦)/ 嘻嘻, 鐘意食宵夜既朋友, 晚晚試下唔同既宵夜都唔會覺得厭倦!!

講番房間, 只有Lan 線可以提供上網服務 (自備net book), 無wifi 服務。
一般既牙刷, 牙膏, 洗頭水, 護髮素, 沖涼液, 風筒一應俱全!!
連刀片形既剃鬚刀/ 脫毛刀片, 身體磨沙綿 同 膠梳 都係免費提供!!

由於似係商務式平價酒店既關係, 所以房間並唔大, 三個女仔住一間三人床房,
只可以夠長期打開放兩個喼, 另一個喼要收埋0係衣櫃, 要用先拉出來, 用完要收番埋....
希望用咁形容令大家知道大約房間有幾大啦~
其實長開兩個喼, 都仲有充足既通道可以行, 都已經算唔錯啊!!
另外備註一下, Hotel Wing 係 2011.7.1 開幕既, 算係幾新既酒店!!
雖然我地住既係尾房, 不過好新好乾淨, 當然無果d 野啦~ 哈哈

還有, 最重要一點, 酒店要下午三點先可以check-in,
不過如果早去到, 酒店係可以幫你keep 行李架~
之後服務員會比你一個行李牌方便你行完街之後,
夜晚返酒店先拎番行李再check-in 上房休息!!
服務細心又周到, 係唔錯既選擇~ㄟ(￣▽￣ㄟ)

而酒店既缺點係位置唔係旺區, 唔會好似住難波, 心齋橋咁一落街就可以shopping,
下下都要轉車去天王寺/ 新大阪轉線....
由於我地八日七晚都係同一間酒店, 並無轉酒店,
所以來回京阪神既車費比起東京車費貴很多, 每日去2, 3個景點來回車費可以接近3百至4百港幣,
加埋入場費, 早午晚三餐, 一日既洗費over 一千港元!!
手信 + 一般shopping 要額外多準備銀彈!!

今次之後, 好明白點解d 人會轉酒店, 因為每日由大阪出發去和歌山/神戶/京都/奈良,
車費貴不特止, 而且每日要花大約一個鐘至兩個鐘車程來回....
而轉酒店要再一次體力勞動咁抬喼, 又會增加整爛手信既風險, 不過就慳左時間同車費,
所以真係每個選擇都有利亦有弊, 好視乎自己既觀點同角度!!
大家好好研究一下吧!!