望月四色月餅

上年經兩大知名飲食界bloggers (kent哥, 龍五哥）介紹底下認識了「望月」月餅，慘遭涂毒.... 今年龍五哥通知我「望月」推出限量版《雜錦試食裝》四色月餅，即係「望月」出既四種味道各一個，而且每盒只售$98蚊。

當然咁抵可以用平價去試四個味，一定有d條款既。

♪ 每個發售日只限量供應50盒

♪ 一人只可以限買一盒

♪ 只得長沙灣門巿有售

由於之前朋友想訂嘉麟樓被我喊停左，仲介紹左「望月」比佢地認識，所以今次專程去買限量版《雜錦試食裝》四色月餅比佢地同我家人試下味，試岩邊款先另外再買。

也許是星期五中午關係，和我一起等的有兩三個人。因為要買三盒既關係，我嘗試問過店員哥哥，他堅持按人頭計一人每日只可以買一盒，就算轉個圈再買都唔可以。幸得龍五哥出手相救，安排舊同事兩大猛男幫忙「鄧腳」先可以買到，在這再謝龍五哥和兩位大俠出手相助。

先介紹一下望月始創人葉潤發師傅，曾經在半島酒店嘉麟樓首創迷你酥皮奶黃月餅。而「望月」所出的月餅全部由人手製作，每日即造，絕對新鮮安全可靠。（長沙灣店內廚房即造即包，大家可放心食用啊。）

限量版《雜錦試食裝》四色月餅，包括：人氣最高「迷你酥皮奶黃月餅」、甜甜蜜蜜「迷你焦糖果仁月餅」、名貴得體「松露焦糖果仁月餅」、尊貴不凡「松露黑毛豬火腿果仁月餅」各一。

一次過可以試四個口味，真係值得花時間一排啊！！

後記：「迷你酥皮奶黃月餅」仍然和嘉麟樓不相百仲，叮噹馬頭，鬥到難分難解。不過最重要是價錢，望月比嘉麟樓經濟實惠啊～