僕匿匿包塲party⋯ Kent哥生日大派對!!

僕匿匿⋯ 今次匿去左邊？！

就係去左觀塘某工業大廈囉～ 呢度主要係比人包主題房、廚房、BBQ場既，而且有店主幫手『透爐』認真方便。

而且段鐘計收費，仲包汽水任飲。可以外賣到會，怎至烹飪煮食都無任歡迎。如果嫌洗碗麻煩，仲可以比清潔費就有店員代為清潔，實行想幾嘆都得啦～

唔好似為廚房必定細到無朋友，要自己孤寧寧洗碗。其實僕匿匿既廚房大到可以三五知己分享煮食心得，甚至開個私人烹飪班都夠晒位置唷～

廚房旁邊就係開放式大廳，三五知己最岩靜靜地談下心。

Girlish 房間佈置超卡娃兒，難怪有唔少女生訂房拍照聚會啦～

由於日近萬聖節，英倫房間都佈置得相當有氣氛，唔想同人迫，最岩自己搞個私人萬聖節party狂歡一下。

唔想去到郊區BBQ，巿區仲方便。僕匿匿嘅BBQ後花園可以開放兩個火爐，地方可以容納廿幾人。就算玩到夜一夜都唔怕搵唔到車返屋企啦～

上一個party應該係同BB慶祝百日宴，因為遺漏左呢個BB糖霜公仔。

今年Kent哥生日大派對就選址左「僕匿匿」，加上Ocean Three 既到會，有2L size 大帶子刺身，鮮味香甜，原粒入口，份量十足，就好似kent哥一樣豪邁奔放。

葡萄蝦刺身包住滿滿蝦子，鮮味十足，令人忍唔住一隻接一隻，食到停唔到口，話咁快15分鐘已經K.O. 全碟嚕～

最緊要當然係ocean three不可不食既生蠔，creamy既口感，加上生蠔獨特既海水味，齒脥留香，令人一試難忘！！

咁高興既情況下, 當然唔少得有美酒助慶。購自"阿信屋"既月梅韓國清酒, 入口清淡, 但酒精度比啤酒還要高, 不知不覺就會飲多兩杯, 適合女仕們飲用。

大家當然無眼花, 無睇錯, 呢度有近二十支月梅, 聽美食達人們講, 一支只係十幾蚊, 抵飲到極。難怪男仕們好似當水飲一樣啦~

主角Kent 哥生日當然要影番張"百美圖" + "同一屋簷下" 招牌手勢賀一下啦~ 呢d 先叫有"霸氣"架嘛~

 

最後都要再講多次Kent哥生日快樂, 希望你人氣越來越旺, 紅霸Blog界。